Mae grwp pwyso cymunedol Cymuned wedi beirniadu AS Llafur dros Alyn a Deeside, Mark Tami, yn hallt am awgrymu na ddylai Prif Gwnstable Heddlu Gogledd Cymru siarad yng Nghynhadledd Flynyddol y mudiad.

‘Mae hyn yn ddatganiad gwarthus gan Aelod Seneddol presennol,’ medd Aran Jones, Prif Weithredwr Cymuned. ‘Os nad wy Mr Tami yn credu mewn gwerth gwrando ar farn pobl gwahanol, ni ddylai fod yn cynrychioli pobl Alyn a Deeside yn San Steffan. Mae gennym gefnogwyr yn ei etholaeth – ydy o’n credu bod hi’n iawn iddo eu diystyrru fel tasen nhw ddim yn bodoli? Mae ei agwedd cywilyddus yn dangos culni meddwl afiach – dylai fo ymddiheuro neu ymddiswyddo.’

Mae Cymuned wedi cynnal trafodaethau gyda’r Gweinidog dros Ddiwylliant, Chwaraeon a’r Gymraeg yn y Cynulliad, Alun Pugh, ac wedi gweithio mewn partneriaeth gyda’r Comisiwn Cydraddoldeb Hiliol yng Nghymru.

‘Mae Alun Pugh yn fodlon trafod gyda ni, mae’r Comisiwn Cydraddoldeb Hiliol yn fodlon trafod gyda ni, ac felly mae Heddlu Gogledd Cymru hefyd,’ medd Aran Jones. ‘Ond mae Mark Tami yn credu mewn taweli ac anwybyddu pobl sydd ddim yn cytuno gyda fo. Cafodd ei ethol i gynrychioli pawb yn ei etholaeth, dim pleidleiswyr Llafur yn unig – os na fydd yn sylweddoli pa mor gywilyddus oedd ei ddatganiad ac yn dangos digon o gymeriad i ymddiheuro, nid yw’n deilwng i fod yn Aelod Seneddol.’

Am fwy o fanylion, cysylltwch â swyddfa Cymuned ar 01758-612712.

Gyfeillion! Cafwyd Pwyllgor Ymgyrch hynod o dda unwaith eto – MWY byth o syniadau cyffrous am ymgyrchoedd newydd ond y prif beth mae aelodau brwdfrydig ar hyd a lled y wlad yn ei wneud ar hyn o bryd yw hel enwau a chyfeiriadau ein holl Gynghorau Cymuned a’n holl Gynghorwyr Sir er mwyn i’r swyddfa eu llythyru yn gofyn iddynt ddatgan eu cefnogaeth i’r ymgyrch cartrefi.com. Mae cyfrifiaduron led led Cymru yn chwilboeth coeliwch fi! Diolch o waelod calon i’r nifer o aelodau sydd wedi cynnig hel y wybodaeth yma, mawr yw ein diolch!

Unwaith bydd y cyfeiriadau i gyd i law bydd y Swyddfa yn gyrru’r llythyrau allan iddynt (Os yr hoffech roi cymorth gyda gwaith gweinyddol o’r math yma yna cofiwch yrru ebost ataf – anwen[at]cartrefi.com

A dyna ni am y tro!

Bydd Richard Brunstrom, Prif Gwnstabl Heddlu Gogledd Cymru, yn siarad mewn Cynhadledd Flynyddol Cymuned yn Neuadd Goffa Penrhyndeudraeth ar ddydd Sadwrn 14eg o Ebrill eleni. Bydd y Prif Gwnstabl yn sôn am y gwaith o gynyddu defnydd o’r Gymraeg oddi fewn i’r Heddlu, ac yn ymateb i alwadau Cymuned ar i gynghorau sir Gâr, Ynys Môn, a Cheredigion i fabwysiadau polisi iaith fewnol cyfateb i bolisi iaith Cyngor Gwynedd.

‘Rydym yn falch iawn bod Richard Brunstrom wedi cytuno i annerch ein Cynhadledd Flynyddol,’ medd Aran Jones, Prif Weithredwr Cymuned. ‘Mae o wedi bod yn gyfrifol am newid agwedd arbennig o lwyddiannus oddi fewn i Heddlu Gogledd Cymru, ac mae’n enghraifft perffaith i’r cynghorau sir hynny yn y Fro Gymraeg sydd ddim yn gweithio’n llwyr ddwyieithog.’

Mae aelodau’r mudiad yn medru cofrestru ar gyfer y Gynhadledd arlein at www.cymuned.net/ymlaen/cynhadledd – eleni, am y tro cyntaf, bydd y mudiad yn codi pris mynediad o £5 ar y drws i unrhyw aelodau na fydd wedi cofrestru o flaen llaw. ‘Rydym wedi derbyn cryn dipyn o ddiddordeb yn y Gynhadledd eisoes eleni,’ medd Aran Jones, ‘ac mae’n bwysig i’n haelodau gofrestru o flaen llaw os ydynt am fod yn siwr o gael lle.’

Mae Prif Weithredwr Cymuned yn edrych ymlaen at groesawu Prif Gwnstabl Heddlu Gogledd Cymru ar lefel personol, hefyd. ‘Digwydd bod i’r Prif Gwnstabl a finnau ddechrau dysgu Cymraeg yn yr un flwyddyn â’n gilydd, a sefyll TGAU a Lefel A ar yr un amser â’n gilydd hefyd,’ medd Aran Jones. ‘Dw i wastad yn gwrando’n astud iawn arno fo pan bydd o’n siarad yn gyhoeddus, er mwyn trio dal i fyny!’

Am fwy o fanylion, cysylltwch â swyddfa Cymuned ar 01758-612712.

Mae un o’n cefnogwyr wedi canmol y gwasanaeth derbynwyd oddi wrth Bodlon.com ganddi yn ddiweddar, felly dyma rhannu hynny gyda chi gyd.

Mae www.Bodlon.com yn gwmni sy’n arbenigo mewn ‘rhoddion unigryw o fwyd a diod wedi’u pecynnu’n gyffrous i gwmnïau ac unigolion’, ac mae eu gwefan nhw yn gwbl ddwyieithog ac yn chwaethus iawn.

Mae eu hamperi yn edrych yn hynod ddifyr, hefyd – beth am brynu un ar gyfer Diwrnod Santes Dwynwen? Bydd eich cariad yn sicr o’i werthfawrogi’n fawr…:-)

Ia yn wir, Blwyddyn Newydd Dda i bob un ohonoch a dwi’n sicr y bydd 2007 yn flwyddyn newydd dda iawn i Cymuned hefyd yn ol pob golwg!

Fe gyhoeddwyd erthygl positif iawn am waith Cymuned yn y ‘Daily Post’ ar 29ain Rhagfyr 2006 ac er fy mod yn ceisio cadw’r blog yma yn fyr ac yn felys! dwi’n credu yr hoffech ddarllen y dyfyniad isod o’r dudalen golygyddol o’r un rhifyn o’r papur…

The force of reason wins in struggle to protect Wales

And if, as Aran Jones suggests, more people are starting to get involved positively in the discussions, it would seem his organisation’s more practical and reasoned approach is already working.

Newyddion arall – Bydd Pwyllgor Ymgyrch Gwynedd yn cyfarfod nos Fercher nesaf os oes gennych ddiddordeb – gyrrwch e-bost at anwen[at]cartrefi.com ac fe wnaf yn sicr y cewch rhagor o fanylion – lleoliad, amser a.y.y.b. Os oes gennych syniadau inni eu trafod yn y cyfarfod, gyrrwch e-bost!

Hwyl!

Anwen