Mae Cymuned yn gweithio o blaid cymunedau Cymru. Rydym yn credu bod angen llais cryfach i’n cymunedau – rydym yn credu y dylai pobl fel chi fod yn rhan o’r penderfyniadau sy’n effeithio ar eich cymuned CHI.

• Hoffech chi weld marchnad dai sydd yn galluogi pobl leol i aros yn eu cymunedau, ac i gynnal natur y cymunedau hynny?
• Hoffech chi weld economi leol sydd yn cryfhau busnesau bychain lleol, fel bod pobl yn medru cael gwaith o safon yn eu cymunedau eu hunain?
• Hoffech chi weld cymunedau cryfach lle mae pobl yn nabod ei gilydd a lle mae modd cynnal ysgolion bychain, meddygfeydd lleol a siopau lleol?
• Hoffech chi weld sefydliadau yn y Fro Gymraeg yn defnyddio’r Gymraeg fel iaith gwaith?
• Hoffech chi weld ysgolion yn y Fro Gymraeg yn cynnig addysg ddwyieithog lawn i’w disgyblion?

Beth am ddod yn rhan o’n gwaith ni?

Gyda’n gilydd, mae modd gwneud y gwahaniaeth sydd ei angen.

• Mae pris peint y mis yn medru newid y byd.
• Mae aelodau Cymuned yn derbyn cylchlythyr bob yn ail fis i’w hysbysu am weithgareddau’r mudiad.
• Mae aelodau gweithredol yn medru cadw ar flaen y gad trwy danysgrifio i e-bost wythnosol.